How's 4th year dents???

[MooOooRY]

يعطيكي الف عافية بوبيتا

بس عندي سؤال بخصوص اسبوع الكلينيكال اوريانتيشن

ايش حنسوي فيه بالزبط؟؟؟؟

[dr.bobitta]

اسبوع القهر وانت الصادق
انا شخصيا ما استفدت منه السنه اللي فاتت ولا شي
غير اني اخدت الفاكسينيشن وبس
بس ايش تقول حكم القوي ع الضعيف

بوبيتا

[dr_helda]

ياناس عليكي مره شكرا

اللي اعرفو انو فايده دا الاسبوع انو مايحدك في عدد الفايلات اللي تفتحيها
والله لو غير كده كان ماحضرنا اريح
كفايه الاجازه قصيره

[dr.bobitta]

Oral biology:
المادة دي مافيها أي وسيله لتجميع الدرجات غير الاختبار الميد والفاينل وكويز واحد يتيم
فعشان كدة لازم تشدو حيلكم فيها وماتستهونو فيها
هيا مليانه دش وكلام بس لوجمعتوه حيكون سهل
الجزء اللي حيعطيكم هوا الدكتور هشام ركزو ع الكلام اللي يقولو في المحاضرة لانه يقول الاسئله
ودكتورة ساميه لو عملتلكم مراجعه معناه انها أعطتكم الاسئله

Ortho:
اسم الكتاب:
contemporary ortho. for proffit 3rd ed
المادة حلوة وظريفه وسهلة واسئلتها كلها ام سي كيو
بس المشكله حيطلعو عينكم اول السنه في الشيتات
احنا مارضيو ينزلو الشيتات وخلونا نشحت وندور عليها واخر الرم نزلت كل الشيتات
ع العموم لو عملو معاكم نفس الحركه دبرو الشيتات من الدفعه اللي قبلكم>>> دفعتنا
العملي حق دي المادة يكسر اليد ويورم الاصابع بس حتلاقو نفسكم بعدين اخدتو عليه
كل ماتشتغلو اكتر حتزبطو الشغل اكتر ولاتنفجعو لو لقيتو نفسكم في البداية بتسوو اشكال غريبه
بصفه عامه المادة دي كانت من المواد اللي ماشيه معانا
واسئله الفاينل كانت حلوووة


Pedo:
يانااااااس على دي المادة من جد تجنن وسهههههلة وخفييييفه
بس اهم شي وانتو تزاكرو كل ماتشوفو رقم احفظوه
لانهم يسألو في كل الارقام حتى اللي ماتتخيلوها
والمواضيع اللي حتاخدوها في اخر السنه مررة يحبوها
زي السبيس منتينر والبلباتومي يسألو فيها كتير
العملي حق دي المادة ولا اروع تلاقو نفسكم خلصتو اريكوايرمنت كل يوم بيومه
واخر السنه حتحتاجو بيدو مولار فجهزو من دحين لانه احنا تعبنا الين مالقينا

Fixed:
اسم الكتاب:
fundamentals of tooth prepration for shillinburg
المادة دي عليها درجات مرررة كتيرة يعني مرة حتفرق معاكم في المعدل
هيا سهلة بس كلامها كتير وكلها ادفانتيج وديسادفانتيج وستيبس
اسئلتهم معقوله وتنحل بس لازم تكونو حافظين كويس وفاهمين الخطوات في كل شي
مثلا يهمهم مرة انواع البير اللي تستخدموها في كل خطوة
ولازم تعرفو مكان كل قروف حتعملو فين بالزبط
والدايركشن حق الانسيرشن
يعني دي المعلومات الصغيرة اللي ممكن ماتركزو عليها مررة تهمهم ولازم تعرفوها مزبووط
بالنسبه للعملي فهو مرتين في الاسبوع مرة في الفانتوم لاب ومرة في اللاب التاني
وكلها سهلة ومايبغالها وحتلاقو نفسكم ماشيين في الشغل
اخر السنه لمن تحتاجو تعملو كاستينج للبريدج ناس كتير (وانا منهم) حيودو لمعامل برا ويخلصو منه
ازا حتعملو دي الحركه مافي مشكله بس لازم تكونو انتو فاهمين الطريقه اللي انعمل بيها الكاستينج كويس عشان ماتنسألو في الاختبار وتلاقو نفسكم مو مجمعين بالزات انكم ما اشتغلتو بيدكم

ولو فيه شي معين تبغو تعرفوه
اسألو
واحنا ماحنقولكم
بوبيتا

[dr.bobitta]

فيه كم شغله ابغى اقولكم هيا بالنسبه للعيادات
اول شي:
خليكم متعاونين قد ماتقدرو لانه الشغل لمن تكونو مع بعض مرررة يفرق عن لمن تونو لحالكم
يعني لمن تخلصو من البيشنت اللي عندكم او من الاساس ماجاكم بيشنت
لاتشيلو عفشكم وترحو البيت
روحو عند صحباتكم او اصحابكم اللي ماخلصو وساعدوهم عشان يخلصو هم كمان
أنا وصحباتي الحمدلله مررة كنا مرتاحين في دي الناحيه
ومن جد من غيرهم ما ادري كيف كنت حشتغل
فساعدو بعض قد ماتقدرو

تاني شي:
الانسترومنت
لا ولا ولا ولا الف لا
لاتعطو الcssd
الانسترومنت اخر اليوم من غير ماتاخدو اوراقكم
لانكم اخر السنه حتتدبسو ويدفعوكم شي وقدره على شي ماضيعتوه
وازا كان اخر الدوام ويبغو يمشو برضو لاتعطوهم لفو الانسترومنت في كزا لفه قصدير وحطوها في مكان عندكم تكونو مخصصينه لدي الاشياء

تالت شي:
لاتخلو الانسترومنت في الاتوكلايف وتروحو بالذات اخر السنه
لانكم حتتفاجؤو بأنها اختفت
وانتو اللي حتدفعو

رابع شي:
البيشنت حق البريو
عشان لايرجعلكم والكالكولس اللي شلتوه ولا كأنكم شلتوه
طفشوه بالتفريش كل ماتشوفو وجهه قولوله فرش فرش فرش ههههههههه
وعلمو الطريقه الصح
واعطوه غسول للفم
chlorohexidin

خامس شي:
الكيس اكزام جهزوه من بدري لاتقولو لمن يقرب اسبوع الاختبار ادور
لانكم حتحوسو

هادا اللي في بالي دحين
ولو افتكرت شي تاني
ماحقولكم

بوبيتا

[MooOooRY]

كفيتي ووفيتي بوبيتا

الله يعطيكي العافية ويجعلو في موازين حسناتك





بس ماجبتيلنا سيرة الراديولوجي